مايو

زمان كان شهر مايو مرتبط معايا بذكرى احتفل بها كل عام
ألا وهي إجرائي عملية الزائدة الدودية بعد أن انفجرت في جسمي وأصبحت مهترئة -حلوة مهترئة دي-
حيث -أنني أجريت العملية في مستشفي العجوزة يوم سبعة مايو 2000 الساعة السادسة ونصف إلا خمسة مساءا بعد أن صرخ دكتور سامي لاشين- رحمة الله عليه -في وجهي أنا وأمي -رحمة الله عليها- في عيادته الخاصة التي كانت تقع في شارع ترعة السواحل بجوار ستديو القدس للتصوير في إمبابة وكان يشغل آنذاك منصب مدير حميات إمبابة وهو الدكتور الوحيد الذي يتواجد في عيادته الخاصة الساعة الخامسة بعد العصر
المهم أنه صرخ في وجهي وقال لي زايدتك انفجرت خد تاكسي واجري اعملها في اقرب مستشفي واخذتني أمي علي مستشفي العجوزة حيث انني لي ذكريات سخيفة مع مستشفي إمبابة العام “الموظفين” لأنهم اخطئوا في تشخيص الحالة واخبرني الدكتور أنه مجرد برد في جنبي واعتمدت علي تشخيصه حتي انفجرت الزائدة تشاجرت مع إدارة المستشفي فيما بعد ليس للتشخيص الخاطيء ولكن لأنهم اخطئوا حتي في كتابة إمبابة علي يافطة المستشفي
وكاتبين أمبابة حاطين الهمزة فوق
ناس غلطوا في كتابة اسم المكان اللي فيه المستشفي اللي شغالين فيها واللي هي المفروض علي اسم المنطقة أو المكان
يعني لم يهتموا بخطأ إملائي وهيهتموا بخطأ في التشخيص
المهم أنني أجريت العملية في مستشفي العجوزة وخرجت يوم 11مايو
وعندما كبرت وبعد أن رزقني المولي عزوجل بإبني محمد يوم 28مايو أصبح مايو من أحب الشهور بعد شهر يوليو شهر ميلادي حيث انني مواليد يوم 7يوليو
المهم أنني منذ ولادة ابني مازلت كل عام افعل نفس الطقس الغريب انزل محطة كلية البنات في خط مترو عدلي منصور واقف في تمام الساعة التاسعة والنصف صباحا يوم ميلاده أمام مستشفي المرغني .. وهي المستشفي التي جاء إلي الدنيا فيها
هناك منح وهبات وعطايا عظيمة في الحياة ولكن بالنسبة لي ابني محمد حفظه الله ورعاه أحلي وأعمق وأغلي واكبر الهدايا لأنه منحني اهم شيء علي الإطلاق “غريزة الأبوة”

المسرح
طول عمري اسمع إن المسرح أبو الفنون وأنا في أولي إبتدائي في مدرسة توفيق الحكيم بوراق العرب ميس إيمان علمتني مبادىء التمثيل ولما نقلت إمبابة كنت بجمع أولاد الجيران في أجازة أخر السنة واعمل بيهم اسكتشات وبعدين افلام في 2008كنت بغطي 6اكتوبر وكنت بدردش مع مدير قصر ثقافة الحي السابع وفرجني علي مسرح قصر الثقافة حاجة محترمة ولما كبرت ركزت اكتر علي الكتابة وفي 2012
كنت منتشي لما راجعت الروايات اللي عملتها
بعد وفاة أمي منذ عامين دخلت في نوبة إكتئاب صعبة .. ربنا قدرني علي التجاوز من ضمن الحاجات اللي عملتها ذاكرت مسرح الحركات وتقسيم المسرح ووقفات الممثلين والتحضير للشخصية والذاكرة الإنفعالية وغيره
ولسه بذاكر عشان عايز أعمل عرض مسرحي

نفسي قصور الثقافة ترجع زي الاول

مرة أخرى وليست أخيرة طريق صلاح سالم من ناحية الأباجية شأنه كشأن طرق كتير مستحيل تعرف تعبر الطريق

من فضلكم مطلوب اما إشارة مرور أو نفق أو مطبات صناعية أو كوبري مشاه ويفضل ميكونش السلم الكهربائي بتاعه بايظ

ليه الأندية التاريخية مبترجعش تلعب في الممتاز تاني؟

ليه فرق في الدرجة الأولي عريقة ومش عارفة تصعد
أندية الشركات ده سبب
تخاذل لاعبيها لأنهم عندهم يقين أنهم لو صعدوا للدوري الممتاز الإدارة هتفور الفريق وهتبني فرقة جديدة تنافس ومتهبطش تاني
وبالتالي هو بالنسبة له يفضل ميصعدش بفريقه وياخد مرتب احسن مافريقه يصعد واكل عيشه يتقطع

خسارتي انفع مدير رياضي