فساد ملناش دعوة بيه
من شهرين اللواء منال السطوحي كانت رئيس حي الزاوية الحمراء نزلت لقت في شادر معمول لبيع منتجات وكانوا سارقين كهربا
طبعا تحت رعاية نائب بيسدد فواتيره الإنتخابية
واحد من البلطجية بتوعه حاول يتعدي عليها راحت ضرباه بالقلم
الدنيا اتقلبت والنائب طلع هو وصبيانه اتبروا من الواد وقالوا مش شغال مع النائب
المهم عشان يحموها من البلطجية تم انتدابها وتولت منصب
رئيس حي المرج
وسكرتير عام الحي تم انتدابه الشهر اللي فات لرئاسة حي عين شمس خلفا للمهندسة أمل فوزي
اليومين اللي فاتوا اللواء منال السطوحي قدمت استقالتها
لأنها مقدرتش تستحمل كمية الفساد الموجودة

علي جانب أخر من الكوكب اتنين نسوان مديرة الإدارة الهندسية والقائم بأعمال رئيس الحي في أحد الأحياء..بيتخانقوا لخلافة رئيس الحي اللي خرج علي المعاش واتهامات متبادلة بالفساد
خناقة مكانها عربية السيدات في اعفن عربية معطنة وفيها مروحة من أيام مبارك في خط المرج حلوان ..لا دي تصلح ولا دي تصلح
والله يولي من يصلح