قصة العدادات الكودية ومنطقة حدائق الأهرام نموذجا
عاملين زي البيضة ولا الفرخة، الأول كانت المشكلة في التهرب من سداد ممارسة الكهربا، فالناس ركبت العدادات الكودية والممارسات شبه انعدمت، فجأة بقي مطلوب تصالح في مخالفات البناء اللي هي نتيجة فساد المحليات أصلا بس تمام
قانون التصالح صادر من ٢٠١٩ في عهد حكومة مدبولي واتعدل والنهارده بعد ٧ سنين مفيش عمارة واحد في منطقة حدايق الأهرام نجحت انها تعمل مصالحة نهائية تم تعديل التعريفة الخاصة بالكهرباء في المنطقة باعتبارها منطقة راقية
طيب نرجع بقي للتصالح، لازم التصالح تجيب موافقات من عدة جهات، وتدفع رسوم
الناس عملت ده كله بس مش بياخدوا تصالح
ليه
لأن وزارة الاثار معتبرة المنطقة منطقة اثرية وبالتالي مش بتدي موافقات تصالح فالناس تدفع وتفضل مخالفة
القانون اللي بيفرض إتاوة علي الملاك اللي اشتروا من المقاولين مش بس مش بيرجع ع المخالف وبيعاقب المواطن اللي حط شقى عمره في شقة يسكن فيها ومش بعيد يدفعوه عليها ضريبة عقارية كمان لا ده كمان بيفضل معاقبهم العمر كله بلا حلول حقيقية لأن في الوقت اللي وزارة الاثار معتبرة المنطقة اثرية محافظة الجيزة وحي الهرم بيدوا تصريحات جديدة بالبناء عادي جدا لعمارات جديدة علشان بياخدوا رسوم
الحكومة اللي بتوصل العدادات ب ٥٠ الف وأكثر للشقق