الفنان عمرو عبدالجليل عنده شقيقين واحد توأم والثاني مش توأم ، التوأم ده ممكن تكون شوفته كتير وهو الشيخ ايمن عبدالجليل والعلاقة ما بينهم كانت مربكة جداً من وهما اطفال نظراً للتشابه الشديد ما بينهم فكان واحد فيهم يأخد المصروف مرتين والثاني ميأخدش وهكذا لكن اللي متعرفوش بقى اخوهم طارق عبدالجليل واللي كان سيناريست كبير جدا وله مستقبل في الكوميديا السياسية وشوف الافلام اللي عملها زي ابو العربي وظاظا وعايز حقي ونمس بوند وصرخة نملة ومعظمها فيها كوميديا موقف وأحيانا نقد لاذع بطريقة ساخرة للاوضاع اللي احنا عايشنها.بدايات عمرو عبدالجليل وطارق اخوه كانت في المسرح مع محمد نجم.. محمد نجم كان زوج اختهم وعشان كده عمرو كان بيشترك في بداياته في مسرح نجم ومسرح نجم صعب مش سهل لأنه معتمد على الالش السريع ومش اي ألش ده ألش أحياناً يوقعك من الضحك وأحياناً يصيبك بالبلاهة
