بقيادة “زيزو وتريزيجيه”.. تشكيل ناري للأهلي لموقعة الترجي وتوروب يرمي بكل أوراقه!
استقر المدير الفني للأهلي ييس توروب بشكل كبير على “كتيبة الإعدام” اللي هيبدأ بيها ملحمة رادس، والبداية من حراسة المرمى بوجود “الأسد” مصطفى شوبير اللي بقى صمام الأمان الحقيقي للفريق. خط الدفاع هيشهد تغييرات مثيرة للاهتمام بوجود الثنائي “ياسر إبراهيم وهادي رياض” في القلب، ومعاهم محمد هاني والوافد الجديد يوسف بلعمري، والتوليفة دي هدفها تأمين الدفاع الأهلاوي قدام الاندفاع الهجومي المتوقع من “المكشخة” في ملعبهم.
في منطقة وسط الملعب، توروب اختار “التقل والمهارة” بوجود الثلاثي مروان عطية، أليو ديانج، وإمام عاشور. الثلاثية دي بتعتبر “محرك” الفريق اللي هيتحكم في ريتم الماتش، مروان وديانج عشان يكسروا هجمات الترجي في مهدها، وإمام عاشور بمهمته الهجومية المعتادة عشان يربط الخطوط ويوصل المهاجمين للمرمى بأسرع طريق، والرهان كله على “الافتكاك والتحول السريع” اللي بيميز وسط الأهلي حالياً.
أما “المفاجأة الكبرى” فكانت في الخط الهجومي اللي بيضم أسماء بتهز أي دفاع في أفريقيا، بوجود أحمد مصطفى زيزو ومحمود حسن تريزيجيه.
وجود الثنائي ده في أطراف الملعب بيدي للأهلي “أنياب” هجومية فتاكة وسرعات مفيش مدافع يقدر يلاحقها، والهدف هو استغلال المساحات خلف دفاعات الترجي وصناعة اللعب للمهاجم الصريح اللي لسه توروب بيفاضل فيه بين القوة البدنية والسرعة.
مركز “رأس الحربة” لسه فيه كلام، والمفاضلة بين مروان عثمان أوتاكا اللي بيعيش فترة توهج، وبين خيارات تانية في عقل المدرب، لكن الأقرب هو البدء بأوتاكا عشان يكمل القوة الهجومية الضاربة. الأهلي داخل الماتش ده بتشكيل “سوبر” بيطمن الجمهور إن الفريق رايح تونس مش عشان يدافع بس، لا ده رايح عشان يخطف فوز غالي ويحط قدم في نص النهائي قبل ماتش العودة