“توروب” يطيح بالشناوي من تشكيل الترجي بسبب أزمته الأخيرة!
في قرار تربوي وفني مفاجئ، قرر الدنماركي جيس ثوروب استبعاد محمد الشناوي من التشكيل الأساسي لماتش الترجي اللي جاي في ربع نهائي أفريقيا. القرار جه بعد “الأزمة الأخلاقية” والشائعات اللي حاصرت الحارس الدولي على السوشيال ميديا الساعات اللي فاتت، وثوروب شايف إن الشناوي مش في كامل تركيزه الذهني اللي يسمح له يقود الفريق في موقعة “تكسير عظام” زي دي.
مصطفى شوبير هو اللي هيتولى حماية عرين الأهلي في رادس بقرار رسمي من المدرب، اللي فضل الاعتماد على الحارس الجاهز نفسياً وبدنياً. ثوروب محبش يغامر بالشناوي وهو تحت ضغط الأزمة الأخيرة، وقرر يدي الفرصة لـ شوبير اللي بيقدم مستويات ثابتة، عشان يضمن إن مركز حراسة المرمى يكون في أمان بعيداً عن أي توتر خارجي ممكن يأثر على نتيجة الماتش.
الأهلي محاولش يسيب الشناوي لوحده في المحنة دي، وجهاز الكرة بدأ يتحرك فوراً لتهدئة الحارس والحفاظ على استقراره. ثوروب طلب من الدكتور أحمد أبو الوفا، المعد النفسي للفريق، عقد جلسات مكثفة مع الشناوي عشان يخرجه من الحالة النفسية السيئة ويساعده يتجاوز الشائعات دي، والهدف هو رجوعه لتركيزه في أسرع وقت ممكن لأنه لسه عنصر أساسي في الفريق.
الجمهور الأهلاوي انقسم بين مؤيد لقرار ثوروب عشان مصلحة الفريق، وبين متعاطف مع الشناوي في أزمته الشخصية
الكل دلوقتي مترقب هيعمل إيه مصطفى شوبير قدام هجوم الترجي، وهل غياب القائد “الشناوي” عن الملعب هيأثر على روح اللاعيبة ولا الفريق هيقدر يتخطى الأزمة دي ويرجع
