“أفشة راجع يا أهلي”.. الإدارة تكسر “إعارة الاتحاد” وتفرض كلمة العودة: “العقل المفكر” للإنقاذ
خلاص الكلام خلص، وإدارة الأهلي قررت “تقطع” إعارة محمد مجدي أفشة لنادي الاتحاد السكندري وترجعه لبيته مع نهاية الموسم ده؛ القرار ده م جاش بالصدفة، ده جه بعد “العك الفني” اللي شفناه في صناعة اللعب والغياب التام لـ “البصمة” في نص الملعب. الإدارة شايفة إن أفشة هو الوحيد اللي معاه “مفاتيح” الماتشات المقفولة، وإن وجوده في الاتحاد كان “خسارة” للأهلي قبل ما يكون مكسب لسيد البلد. الرجوع ده هو أول “مسمار” في نعش العبث اللي حصل الموسم ده، وبداية لترميم شخصية الفريق اللي تاهت.
المفاجأة القوية في القرار ده إن الإدارة “مش مستنية” رأي ييس توروب ولا غيره؛ “أفشة راجع” ده قرار إداري وفني نابع من مصلحة الكيان، سواء المدرب الدنماركي وافق أو م وافقش.
الأهلي في مرحلة “إنقاذ هوية”، والكل عارف إن أفشة لما بيكون في حالته، بيخلي الهجوم “ينطق” كورة. رجوعه معناه إن “زمن التجارب” في مركز 10 انتهى، وإن النادي محتاج للاعيب “بيشرب” روح الفانلة الحمراء وعارف يعني إيه ضغط الجماهير في اللحظات الحاسمة.
الجمهور دلوقت بيحتفل بـ “رجوع القاضية”، وشايفين إن أفشة في الاتحاد استعاد جزء كبير من “بريق وعطش” الكورة اللي كان مفتقده. عودته للتتش هتكون “قبلة الحياة” للمهاجمين اللي مكنتش بتوصل لهم كورة “مقشرة”، وهتدي حلول سحرية في الدوري اللي بقى هو الهدف الوحيد لتعويض خيبة أفريقيا. هل هيقدر أفشة يرجع “ملك القاضية” من تاني ويرد على كل اللي شككوا في قدراته؟ الأكيد إن نص ملعب الأهلي “نور” بخبر عودته، وتوروب دلوقت م قداموش غير إنه “ينفذ” الأوامر.
