حكاية نرجس
ريهام عبد الغفور وحمزة العيلي وأحمد عزمي وتامر نبيل وسماح أنور ودنيا ماهر
عباقرة
عمل متكامل وقضية حقيقية
ريهام عبد الغفور تخطت سقف الإبداع ولسه عندها كتييير
اشتغلت جدا علي نفسها
عين سحرية
باسم سمرة عبقري
عصام عمر ذكي في اختياراته بس محتاج يشتغل علي طبقة صوته في الانفعالات
محمد علاء كاريزما جبارة ومن مسلسل البرنس لحد المسلسل ده اشتغل جدا علي نفسه
يبقي مسمط الشعب اللي كان بيأكل فيه باسم سمرة وعصام عمر ليه ذكريات حلوة معايا كنت باكل فيه عشان كان جنب الجورنال في عابدين – جورنال شباب مصر- اللي كان قدام قصر عابدين علي طول وكنت بقعد علي القهوة اللي علي بعد خطوات منه . وبصلي في مسجد مدبولي اللي جنب القهوة ..طبعا أيامها مكانش فيه حواوشي الرفاعي وبعد حواوشي الرفاعي بخطوات كان مقر أمانة الحزب الوطني في عابدين وطبعا اخر الشارع إشارة أحمد ماهر والبيباني
وفيه قهوة هناك كنت بقعد عليها
وعموما المسلسل بتدور أحداثه في وسط البلد بترجعني لأحلي أيام لما كنت بغطي أحزاب
حزب الغد اللي لسه في مكانه في صبري ابو علم جنب وزارة الأوقاف وعلي بعد خطوات إذاعة القاهرة الكبري اللي اتعرفت فيها علي أم ابني
وفي ميدان طلعت حرب فوق جروبي كان ساعتها حزب الغد جبهة ايمن نور وعلي بعد خطوات حزب التجمع في شارع محمود بسيوني ساعتها كان رفعت السعيد رئيس الحزب والسيد عبد العال كان لسه الأمين العام ومحمد السعيد كان لسه الأمين العام المساعد وعلي بعد خطوات وبالتحديد في اول شارع متفرع من محمود بسيوني كنت شغال في جورنال اسمه الحدث كان بيصدر عن حزب السلام الديمقراطي اللي رئيسه أحمد الفضالي وكان رئيس تحرير الجورنال حبيبي الأستاذ الخلوق هشام الصواف ومدير التحرير أخويا الكبير الصحفي المهني جدا الأستاذ علي رزق
كنت بغطي 6اكتوبر في جريدة الجماهير
ومجتمع مدني ومسئول عن صفحة الحزب في جريدة شباب مصر
وتقارير وتحقيقات في جريدة الحدث
أيام لاتنسي
