“ضربة اقتصادية” للأهلي في صفقة (كامويش).. رحيل المهاجم قبل 31 مارس يوفر (نص مليون يورو) لخزينة التتش!
إدارة الكرة في الأهلي برئاسة ياسين منصور قررت تتعامل بـ “لغة الأرقام” في ملف يلسين كامويش؛ رحيل المهاجم (الرأس أخضري) وعودته لناديه “ترومسو” النرويجي فوراً مش مجرد قرار فني، ده “توفير ميزانية” ذكي جداً. الأهلي لو مشى اللاعب دلوقتي، هيوفر 200 ألف يورو (شرط جزائي كان هيدفع لو م تمش تفعيل بند الشراء بنهاية الموسم)، والهدف هو الخروج من “فخ العقود” القديمة بأقل الخسائر.
المكاسب م وقفتش هنا، “سياسة الترشيد” اللي فرضها سيد عبد الحفيظ هتخلي النادي يوفر كمان 225 ألف يورو؛ وهي قيمة راتب كامويش في الـ 3 شهور الجاية (بمعدل 75 ألف دولار شهرياً). يعني الإجمالي بيقرب من نص مليون يورو (حوالي 425 ألف يورو) هتدخل خزينة النادي تانى، أو بالأصح “هتتوفر” عشان يتم ضخها في صفقة “سوبر” بجد في الصيف، تكون جاية عن طريق شركة السكاوتنج الجديدة اللي م بتهزرش في الاختيارات.
الخلاصة إن “الأهلي” بيخلص من “صفقة م كملتش” وبياخد مكاسب مادية وفنية في نفس الوقت؛ فنيًا فضينا مكان لمحترف جديد، وماديًا وفرنا سيولة للأزمة الحالية. وجود ياسين منصور بعقليته الاستثمارية بيأكد إن “زمن إهدار المال” في صفقات “سد خانة” انتهى. هل تفتكر إن “المبلغ المتوفر” ده هيكون جزء من مقدم تعاقد لـ وسام أبو علي أو مهاجم أفريقي من العيار الثقيل؟ الأكيد إن “31 مارس” هيكون يوم عيد للخزينة الحمراء!
